Philippians 1

1Paolo ku Timotéo , Yésu Kristo bè sùmɔviwo lé ŋlɔ xoma kéa ɖoɖa amé kɔkɔɛ wo lé Kristo Yésu mé ké wo le Filipi, ku jikpɔtɔwo kudo alɔdotɔwo. 2Majè na mi kù fafa so Ata mia fofo kùdo mia Tɔhono Yésu Kristo.

3Mù do na akpé né Mawù nye lé nusianù mé ɖo mia ta, 4gaɖe kpekpé gamé mù fã nakue ɖo mia ta,éjiejia mù fãna jijɔɛ be kuéfã. 5Mù dona akpé do miabé sùmɔ sùmɔ dɔ kèwo mi lé wɔ so aŋɛnyuɛa ké mi hɔ le ŋkéké cucugbùã ji kaka va na fifia ŋti. 6Mũ kãɖo ékea, be améke tɔ édɔ nyuɛ kéa ji le mia doméa la wuɛ kaka na Yésù Kristo bé azãgbé.

7E sɔgbé bé ma susu ékea do mia keŋ ŋti ékéa ŋti mi lé éjimé na mù. Miawo keŋ mi nyi hadɔwɔto lé majé kéa mé lé apé game nɔnɔ kùdo kùnù ɖéɖé kùdo aŋɛnyuɛ bé kãkãdoéji. 8Eye Mawù ye nyi adaséfo nyé, éke yé mù lété ɖo éji bé mù lɔ mi ku Yésù Kristo bé lɔlɔ.

9Kuéfã nyé’a yé nyi bé miabé lɔlɔ ji ɖo éji lé ŋkume kɔkɔ blibo kudo nyanya adodoé né mi teŋ cã énuké ye nyi enyuɛa. 10nè mia teŋ nɔ kɔkɔɛ ké ma ɖo ŋkumé kãkã’o wɛlɛbɛ ké Kristo la trɔ va. 11Eye mi ɖo kudo jɔjɔɛ nyinyi b’eku ké sɛ na to Kristo jia,na Mawu be gogo ku kafu.

12Fifia nɔviwo mù jro bé mia nya bé énukéawo jɔ né béa kpéɖo aŋɛnyuɛa bé ŋkɔ yiyi. 13Kaka apé gakpamé nɔnɔ na Kristo amékéwo kpɔ fiɔsa jia kudo amekpɔtɔɛawo kpata nya ékéa. 14Eye nɔvi sugbɔ lè Tohonɔ mé,to apé gakpamé nɔnɔ gba ponupo so Mawu ŋti wù leké bé wɔ do aŋɛa vɔvɔ manɔ émé.

15Lé nyawo toto méa amédéwo lé do Kristo bé ‘aŋɛ lé ŋbia kudo ajré mé, gakéa amébù wo le doé kùdo jro nyuɛ. 16Amékéwo do Kristo be aŋɛa kudo lɔlɔa nyɛ be wo sɔmdɛ be ma wuavù do aŋɛ nyuɛa ŋti. 17Vɔa amédéwo lé do Kristo bé aŋɛa le ajrémé kudo susu vùɛ, wo le wɔ enuawo be yewoa do vévésésé nam éke mu gba lé kpéfù lé égakpamé.

18Gake? Lé mɔ sia mɔ nùa, né wo do aŋɛa lé susu vuɛmé alo lé nyawo toto méa,Kristo kpoe nyi aŋɛa; yeŋutia mù kpɔ jijɔɛ, ɛ, mu gbalé kpɔ jijɔɛ. 19Mù nyɛ be ékea la nyi apé hluɛgã to miabé kuéfã wo kudo miabé kuku ɖéɖéwo to Kristo Yésu bé gbɔgbɔ mé .

20Ekéa ye nyi apo éjro kudo ŋdo bé enukéa ma kpé mu’o. Vɔa apé kãkãdoéji lé blibo, sigbe léké wo le gasiagamé nené, Eye wo la kafu Kristo le apo ameti bliboa mé, le apo agbé nɔnɔ loo le apo éku mé. 21Doa le tɔnyé goméa Kristo, ye nyi agbé nam eye éku nyi alé namù.

22Vɔã ne agbe nɔnɔ le ŋutilã me na edɔ nye sɛ ekua, nye mu nya eke mu la ca le eme’o. 23Mu jã le amesisiwo dome. Ejro mu be, ma yi Kristo gbɔ, ekea nyɔ na mu wu. 24Vɔa gakea do mia ŋtia e la nyɔ na mu be ma nɔ agbe.

25Mùnya éye mù ɖo jido bé, ma nɔ anyi mù la nɔ miàgbɔ,na miàbé ŋkɔyiyi ne miabé jijɔɛ le xɔsé mé. 26Nénéa, mi la kpɔ émɔ la go lé miabé agbénɔnɔ kù Yesu Kristo mé. Né mù gba trɔvà mià doméa. 27Vɔa mi nɔ agbé ké la sɔ kudo Kristo bé aŋɛnyuɛa bé ne mù va kpɔ mi alo nyé mù vao wà, masé so miã ŋti bé mi le té goŋgoŋ lé édùnɔnɔmé bé gbɔgbɔ ɖéka me,bé mi là wɔ avù ɖodù kùdo ejidéka lé xɔsé be aŋɛnyuia mé.

28Eye mi gbàna énù kè amékewo sité ɖo mia ŋtia,wo lé wɔa,né do vɔvɔ na mi o. Mi doji,ékea nyi jésido bé wo le yi crɔcrɔ mé,be mia yaa mi le ame hlugã bè émɔ ji,eye ékea ye so Mawu gbɔ. 29Doà Mawu bé adɔmenyuɛ ké be wɔ nà mià, mù nyi mià xɔ Kristo ji sé ɖéɖe kpo’o. Vɔa bé mia ɖu aya ca ɖo é ta, kaka ke mi lé ɖu ayà le avù ɖeka ké mikpɔ lé gbɔ nyé eye mi lé sé bé,mù gba lé wɔ fifi.

30